ياريت والله بس مش قادر – الجزء الأول

أ: يا سلااااااام، الواحد نفسه كدة يحفظ القرآن
ب: طب ما تحفظ واقف ليه؟
أ: مش عارف

أ: يا سلااااام نفسي أبقى متفوق كدة في دراستي.
ب: طب وانت ليه مش متفوق؟
أ: مش قادر

أ: يا سلااااااااام، لو الواحد يحسن علاقاته مع الناس.
ب: طب ما تحسن يابني!
أ: مش عارف مالي، نفسي في حاجات كتير بس مش قادر أعملها
حاولت كتير وما فيش فايدة
يمكن أكون محسود؟
يمكن أنا حظي كدة؟
مش عارف
أنا تعبت في نفسي والله

استراحة ونعود

السلام عليكم ورحمة الله وبركاته

إخواني الأفاضل

في بداية فتح المدونة كنت متحمس جامد للكتابة والتدوين

ولكني في الفترة الحالية بمر بظروف وانشغالات كتير بتعوقني عن التدوين بصفة دورية

ففي الفترة دي إن شاء الله هبدأ أنقل تدويناتي اللي كنت بكتبها في المدونة القديمة

المدونة القديمة كان فيها تدوينات ممتازة ومفيدة جدا بفضل الله عز وجل

فإن شاء الله هبدأ أنقل في فترة الراحة دي التدوينات اللي كنت كاتبها في المدونة القديمة بحيث ما نكونش خسرنا حاجة

معلش اعذروني عن قلة النشاط

وكمان أرجو إنكم تسامحوني على قلة الدخول والتعليق في المدونات الصديقة

ودعواتكم

والسلام عليكم ورحمة الله وبركاته

إنا لله وإنا إليه راجعون

إنا لله وإنا إليه راجعون

توفي إلى رحمة الله محدث الديار المصرية وطبيب العلل فضيلة الشيخ: محمد عمرو بن عبد اللطيف

والله إنها لفاجعة

والشيخ على جلالة قدره لا يعلمه الكثير من الناس

إلا أنه على قدر كبير من المعرفة والتبجيل عند كل طلبة العلم وبخاصة طلبة الحديث

فاللهم ارحمه رحمة واسعة وألحقه بنبيك صلى الله عليه وسلم كما دافع عن سنته

وهذا حوار كان قد أجراه معه الأخ عيد فهمي (من ملتقى أهل الحديث) قبل وفاته بأيام لعله يكون فيه نشرا لفائدة وتذكيرا بهذا الجبل الأشم

بسم الله الرحمن الرحيم

فضيلة الشيخ… نرحب بكم ونود من فضيلتكم أن تعرفنا بموجز عن سيرتكم الذاتية فنبدأ بالاسم والمولد والنشأة؟

الاسم: محمد عمرو بن عبد اللطيف بن محمد بن عبد القادر بن رضوان بن سليمان بن مفتاح بن شاهين الشنقيطي. فـ (محمد عمرو) اسم مركب سماني والدي تيمُّنًا بمليونير سمَّى ابنه محمد عمرو، فالحمد لله الذي وهبني حبَّ العلم، وترجع أصولنا إلى شنقيط، حيث حضر بعض أجدادي إلى مصر قديما فرارًا من التجنيد واستقرّ بها.

أما المولد والنشأة: فقد ولدت في حي مصر الجديدة من محافظة القاهرة، عاصمة مصر، في الحادي عشر من شهر رمضان المبارك عام 1374هـ الموافق 5 / 2 / 1955 م

ثم استقرت العائلة المكونة من ستة أفراد -أنا أصغرهم- في منطقة المعادي.

فتنة السحر والسحرة

في العصر الحالي للأسف ابتلينا بأشياء سيئة كتير انتشرت بشكل غريب

من الحاجات اللي انتشرت بالشكل ده في عصرنا مسألة السحر والسحرة

تلاقي واحد رايح لساحر وفاكره شيخ أو رجل صالح!!

لأ والأدهي من كدة إن ظهرت قنوات خبيثة فضائية كل همها نشر السحر، والسحرة أصبحوا في بيوت الناس بكل سهولة

وجدت مقطع فيديو على يوتيوب فيه نبذة بسيطة عن السحر والسحرة

والحقيقة لقيت المقطع قوي ومشوق

فأسأل الله سبحانه وتعالى أن ينفع به

 

لمشاهدة المقطع أكمل قراءة الموضوع

خواطر حول الدنيا وأهلها

من كام يوم …

صليت العصر، وقاعد شوية في الجامع بعد الصلاة، لقيت واحد جارنا لسة نازل من بيته عشان يصلي 

 

ففكرت تفكير عادي … ياترى الراجل ده كان قاعد بيعمل ايه في البيت؟

فقلت: يا إما بيتفرج على التليفزيون، يا إما بيتكلم مع زوجته، يا إما نايم من الفراغ.

قلت: يعني هو ما عندوش شغل؟

وبعدين افتكرت إنه عنده محل، والمحل شغال ماشاء الله وهو بس بيحتاج يشرف كل فترة من غير ما يتدخل أوي

وده مش بيحتاج منه وقت كبير