حالتك النفسية عاملة ايه؟ الجزء الثاني

السلام عليكم ورحمة الله وبركاته

ياترى حالتكم النفسية عاملة ايه دلوقتي؟

أنا عن نفسي حالتي ما يعلم بيها إلا ربنا

لو مش واخد بالك احنا بنعمل ايه ارجع لفهرس السلسلة عشان تبدأ الموضوع من أوله

نكمل كلامنا …

بدأنا نتكلم المرة اللي فاتت عن مرض الاكتئاب كنوع بسيط من التوعية، وهنرجع له تاني قريب أوي إن شاء الله، بس هنقطع فيه الكلام دلوقتي عشان مش عايزين حد يكتئب كدة من أولها

وما تقلقوش … السلسلة دي من النوع الطويل حبتين، يعني مش عايزين حد يستعجل

بالنسبة للمنهج اللي همشي فيه في السلسلة كالتالي

هناخد الأول علاج عام، بحيث ينفع مع كل الحالات

وبعدين هبدأ أتعرض لأسباب الضيق والاكتئاب … هناخد سبب سبب، وبعدين هنبدأ نحاول نحلها مع بعض سواء عن طريق التنمية البشرية، أو عن طريق التنبيه لبعض الحاجات اللي الإنسان بيكون غافل عنها في وقت الضيق

التنمية البشرية فيها تقنيات جميلة جدا تساعد على التخلص من الضيق وتساعد على النظر للحياة بشكل مختلف

لكن في سلسلة زي دي مش هينفع نغفل عن ديننا

واحد يقول: ااااااااااه … هنبدأ بقى نستشيخ، انت يا عم شيخ ولا بتاع تنمية بشرية؟

ياسيدي أنا ولا شيخ ولا بتاع تنمية بشرية

بس نتكلم بالعقل شوية

حد سمع عن الانتحار قبل كدة؟

أكيد سمعنا عنه كلنا

طب حد يعرف السبب الرئيسي للانتحار؟

السبب الرئيسي هو الاكتئاب (موضوعنا يعني)

طب نبص بصة كدة على حالات الانتحار في العالم

دكتور نفساني كان اتكلم عن النقطة دي وقال: إن مفيش إحصائيات دقيقة عن حالات الانتحار في المجتمعات المختلفة، لكن أي دكتور نفساني اشتغل في بلد غربي وفي بلد إسلامي أكيد أخد باله إن الانتحار في المجتمعات الغربية أكتر بكتير جدا من المجتمعات المسلمة (كل ده كلام الدكتور)

أنا عن نفسي –مصطفى- أثناء قراءتي في إحدى الكتب لاحظت الموضوع ده بشدة

يعني مثلا كتاب (دع القلق وابدأ الحياة) لمؤلفه الشهير ديل كارنجي

الكتاب ده وانت بتقرأه، من الطبيعي جدا تلاقي الكاتب بيقول: وكاد فلان أن ينتحر لولا أن حدث كذا وكذا … وعندما انتحر فلان كان سبب انتحاره كذا … وفلان قرر الانتحار وكتب وصيته ولكنه عدل عن رأيه …

يعني موضوع الانتحار ده عادي جدا في المجتمعات دي

لدرجة إنه يقال إن مؤلف الكتاب ديل كارنجي نفسه انتحر

والله أنا قاعد أضحك

الحمد لله على نعمة الإسلام

فواضح جدا من الكلام ده إن الإسلام ليه دور كبير جدا في مواجهة الحالة النفسية السيئة

عشان كدة السلسلة هيدخل فيها الدين بشكل كبير إلى جانب التنمية البشرية إن شاء الله

معلش طولت فمش هقدر أكمل عشان الناس تقدر تتابع

المرة الجاية إن شاء الله هندخل في الموضوع مباشرة

انتظرونا…