قلق قلق قلق
أوعوا سيبوني أنا قلقان
ما حدش يندهلي ولا يكلمني عشان أنا قلقان
بقوللك ايه… دي أيام امتحانات وأنا قلقان
كل دي عبارات بنسمعها من نفسنا أو من غيرنا أيام الامتحانات…
طلبة كتير جدا بيحسوا بالقلق الشديد أيام الامتحانات
لا شك القلق ليه أكتر من مصدر في الأيام الجميلة دي
لكن أنا المرة دي هتكلم عن مصدر واحد وهو من أكبر المصادر
أحب أقدم بمقدمة سريعة
السنة اللي فاتت والحمد لله على كل حال كنت بعيد السنة…
أثناء إعادة السنة دي كنت تعبان نفسيا جدا جدا جدا
عارفين ليه؟
في أثناء حالتي النفسية السيئة دي جربت طرق كتير في علاج الموضوع ده
وبحثت كتير في الموضوع وسألت متخصصين وكل حاجة
وكنت في كل علاج أكتشفه وأطبقه أقول خلاص أنا بقيت كويس
وأقعد يومين تلاتة حالتي النفسية كويسة وبعدين أرجع تاني في الحالة إياها
يعني انت مازلت في حالتك دي؟
لأ والحمد لله
عارفين الموضوع ده اتحل ازاي؟
في أثناء الفترة دي اكتشفت إني أهملت التخطيط والخطط اللي أنا كنت عاملها..
علماء التخطيط بيقولوا إن الشخص اللي عنده رسالة وخطط أقل عرضة للاهتزازات النفسية والعصبية
وده أنا لمسته بنفسي في التجربة اللي قولتلكم عليها
فلما أعلنت عن دورة التخطيط الأولى وبدأت أعد المادة بتاعت الدورة وقفت مع نفسي شوية
وبدأت أعمل الخطط من أول وجديد…
خططت كل حاجة تاني
وبمجرد ما انتهيت من الخطط لقيت نفسي رجعت لحالتي الطبيعية والحمد لله
طبعا مش هتكلم عن التخطيط في مدونة … دي لازم تكون دورة تفاعلية أون لاين
لكن المرة دي هتكلم عن حاجة تخدمنا في فترة الامتحانات
التخطيط أو الخطط بتنقسم لتلات أنواع
1- خطط بعيدة المدى … من سنتين لآخر العمر
2- خطط متوسطة المدى … من شهر لسنة
3- خطط قصيرة المدى … يومية وأسبوعية وكده
صحيح ما كملتش كلامي
أنا قولت بعد ما خططت من أول وجديد حالتي النفسية اتحسنت جدا والحمد لله
لكن كان فيه تحدي تاعبني أوي
وهو إني مش عارف أعمل حاجة خالص
يعني مثلا أقعد أقرأ كتاب ألاقي نفسي بتقوللي: المذاكرة… الكلية… شوف نفسك
أقعد على الكمبيوتر شوية ألاقي نفسي بتقوللي: المذاكرة… الكلية… شوف نفسك
أي حاجة أعملها ألاقي نفسي بتقوللي: المذاكرة… الكلية… شوف نفسك
وهكذا
كنت قرفان جدا الحقيقة
مش عارف أعمل حاجة خالص لدرجة إني مش عارف أذاكر حتى……
كده الموضوع شكله هيطول
نكمل المرة الجاية أحسن
ما تخافوش مش هطول عليكم إن شاء الله عشان دي حاجة خاصة بالامتحانات
ديسمبر 5, 2007 عند 9:26 م
على النسان ان يعيش في حدود يومه هدا هو الحل للقلق
مشكور على المقال
ديسمبر 5, 2007 عند 9:38 م
اصبر يا أخي
لسة التقيل جاي إن شاء الله
ديسمبر 6, 2007 عند 10:15 م
ده فعلا اللى بيحصلنا .. القلق ده .. لكن بالنسبة لى بقى مش قلق .. لكن ضغط .. ايه رايك يا مصطفى بالاحساس بالضغط؟
ديسمبر 6, 2007 عند 10:18 م
هتلاقي حله في الموضوع ده برضه إن شاء الله تعالى
ديسمبر 7, 2007 عند 8:38 م
رغم اني الآن مش طالب لكن مدرس و القلق مستمر
مثلا انا عندي برنامج جديد للتدريس ( يعني بحضر الدروس من اول و جديد)
و دا عامل معايا مشكلة قلق مستمر و تاجيل للعمل الى آخر الوقت
في بعض الاحيان اتمم العمل قبل ليلة واحدة رغم اني دائما اقول اني حستغل العطلة دي و الا آخر الاسبوع ده .
كمل الحكاية يا مصطفى عشان نستفيد
سلام من تونس ههههه
ديسمبر 7, 2007 عند 8:45 م
إن شاء الله الموضوع مفيد لحضرتك برضه
انتظرنا
ديسمبر 9, 2007 عند 12:43 ص
جزاك الله خيرا أخى مصطفى فى انتظار تكملة الموضوع بفارغ الصبر لإنك فعلا جيت على الجرح !!
وفقك الله
ديسمبر 9, 2007 عند 10:44 ص
هههههههه
ما تقلقش يا مصطفى
جاي في السكة أهوه
يناير 3, 2008 عند 1:55 م
القلق يكون نتيجة عدم وجود هدف أو حافز قوى للنجاح، و الآ كان كل واحد استعد من بداية الدراسة أو العمل.
يناير 4, 2008 عند 11:51 ص
شكرا علي ايثارة هذا الموضوع المهم
يناير 4, 2008 عند 11:55 ص
وإياكم أخي
الموضوع أنا كملته على فكرة أتمنى تشوف الباقي
يونيو 18, 2008 عند 5:46 م
اني أحب لكن الحبيب مايحس باحب
يونيو 18, 2008 عند 5:48 م
مشكور رررررررررررررررررررر الله المعيييييييييييييييين
يوليو 11, 2008 عند 5:25 م
ده موضوع مهم جدا فعلا حتى لو احنا ماحسيناش بقلق من الامتحان بنقلق بسبب ان احنا مش قلقانين يارب تفهمونى هههههههه
اغسطس 30, 2008 عند 1:07 م
الحمد لله وكفى، وصلاة وسلام على عبده المصطفى، وآله وصحبه
ومن اقتفى، وسلم تسليمًا كثيرًا أما بعد: ونحن قادمون على شهر الخير
والبركة… شهر قراءة القرآن… شهر رمضان المبارك… أهنئكم بهذه
المناسبة الغالية وأقول لكم كل عام وأنتم بخير وعافية… وأنقل لكم هذه
العشر النوايا عند قراءتكم للقرآن الكريم…. وأسأل الله تعالى أن
يوفقنا وإياكم إلى صيام أيامه وقيام لياليه المباركة… فهذه العشر
النوايا في قراءة القرآن، لا تنسوها، استحضروها عند قراءتكم للقرآن
ليكون شفاء لما في الصدور… وهي:
(1) محبة الله تعالى:
قال صلى الله عليه وسلم: ” من سرَّه أنْ يحبَّ الله ورسوله فليقرأ في
المصحف ” [رواه أبو نعيم في الحلية وحسنه الألباني ]
(2) معية الله الخاصة:
قال صلى الله عليه وسلم: “أهل القرآن هم أهل الله وخاصته ” [رواه
النسائي وصححه الألباني ]
(3) الخيرية:
قال صلى الله عليه وسلم: “خيركم من تعلم القرآن وعلَّمه” [رواه البخاري]
(4) الرفعة والعز:
قال صلى الله عليه وسلم: ” إنَّ الله تعالى يرفع بهذا الكلام أقوامًا
ويضع به آخرين ” [رواه مسلم]
(5) صلة المقطوع:
قال صلى الله عليه وسلم: ” أبشروا فإنَّ هذا القرآن طرفه بيد الله،
وطرفه بأيديكم فتمسكوا به فإنكم لن تهلكوا و لن تضلوا بعده أبدا ”
[أخرجه الطبراني وصححه الألباني]
(6) ناهيك عن قناطير من الحسنات:
قال صلى الله عليه وسلم : “اقرءوا القرآن فإنكم تؤجرون عليه، أما إنَّي
لا أقول : الم حرف ، ولكن ألف عشر، ولام عشر، وميم عشر، فتلك
ثلاثون” [رواه السجزي في الإبانة وصححه الألباني]
(7) الإكرام السابغ يوم القيامة:
قال صلى الله عليه وسلم: “يجيء القرآن يوم القيامة فيقول: يارب حلِّه،
فيلبس تاج الكرامة ثم يقول: يا رب زده فيلبس حلة الكرامة، ثم يقول: يا
رب ارض عنه فيرضى عنه فيقول: اقرأ وارق ويزاد بكل آية حسنة” [أخرجه
الترمذي والحاكم وحسنه الألباني]
(8) الشفاعة، يا من لا تجد وليًا ولا شفيعً :
قال صلى الله عليه وسلم: “القرآن شافع مشفع، وماحل مُصدَّق من جعله
أمامه قاده إلى الجنة، ومن جعله خلفه ساقه إلى النار” [أخرجه ابن حبان
وصححه الألباني]أي من شهد عليه القرآن بالتقصير والتضييع فهو في النار،
ويقال لا تجعل القرآن ماحلاً أي شاهداً عليه. وقال صلى الله عليه وسلم:
” اقرءوا القرآن فإنه يأتي يوم القيامة شفيعا لأصحابه اقرءوا
الزهراوين: البقرة و آل عمران فإنهما يأتيان يوم القيامة كأنهما
غمامتان أو غيايتان أو كأنهما فرقان من طير صواف يحاجان عن أصحابهما
اقرءوا سورة البقرة فإن أخذها بركة وتركها حسرة و لا تستطيعها البطلة”
[ رواه مسلم ] *وقال صلى الله عليه وسلم: “سورة من القرآن ما هي إلا
ثلاثون آية خاصمت عن صاحبها حتى أدخلته الجنة وهي تبارك” [أخرجه
الطبراني في الأوسط وحسنه الألباني]
(9) الوقاية من عذاب النار:
قال صلى الله عليه وسلم: “لو كان القرآن في إهاب ما أكلته النار” [
أخرجه الطبراني وحسنه الألباني برقم (5282) في صحيح الجامع]
(10) مع السفرة الكرام البررة:
قال صلى الله عليه وسلم: “الذي يقرأ القرآن وهو ماهر به مع السفرة
الكرام البررة والذي يقرؤه و هو عليه شاق له أجران” [أخرجه الترمذي
وأحمد وصححه الألباني]
والله أسأل أن ينفعنا بها في الدارين إنه ولي ذلك والقادر عليه
منقول للفائدة